Korrupsiya va "pul yuvish"dan musodara qilingan pullar Oʻzbekistonga oʻtkaziladi

Belgiya hukumati Oʻzbekistondagi korrupsiya va noqonuniy daromadni legallashtirishga oid jinoyat ishi doirasida musodara qilingan 108 million yevro miqdoridagi mablagʻni Oʻzbekistonga oʻtkazib berishga qaror qilgan.

The Brussels Times nashrining yozishicha, ushbu jinoyat ishi doirasida Belgiyada 200 million dollar pul musodara qilingan.

Oʻzbekiston tomoni Bryussel prokuraturasidan yashirini telekommunikatsiya shartnomalari bilan bogʻliq ishlarni oʻrganishda yordam soʻragan.

Bryussel sudi musodara qilingan mablagʻ va uning foizlarini Belgiya va Oʻzbekiston oʻrtasida taqsimlashga qaror qilgan va 108 million yevro Oʻzbekistonga oʻtkazib beriladi.