Yevropa kengashi Prezidenti Antoniu Koshta Oʻzbekistonga keldi
Samarqand xalqaro aeroportida Oʻzbekiston Respublikasi Bosh vaziri Abdulla Aripov va boshqa rasmiylar kutib oldi.
Joriy yilning 3-4 aprel kunlari Samarqand shahrida "Markaziy Osiyo - Yevropa Ittifoqi" birinchi sammiti boʻlib oʻtadi.
Bugun, 2 aprel kuni Prezident Shavkat Mirziyoyev raisligida oʻtadigan mazkur sammit ishida qatnashish uchun Yevropa kengashi Prezidenti Antoniu Koshta mamlakatimizga tashrif buyurdi.
Oliy martabali mehmonni Samarqand xalqaro aeroportida Oʻzbekiston Respublikasi Bosh vaziri Abdulla Aripov va boshqa rasmiylar kutib oldi.
Qisqa suhbatdan soʻng, Yevropa kengashi Prezidenti tashrif dasturiga muvofiq navbatdagi manzilga joʻnab ketdi.