"Issiqlik taʼminoti" aksiyadorlik jamiyatiga rais tayinlandi
Ilhom Toʻrayev avval Qurilish va uy-joy kommunal xoʻjaligi vazirligida boshqarma boshligʻi boʻlib ishlagan.
"Issiqlik taʼminoti" aksiyadorlik jamiyatiga rahbar tayinlandi.
Prezidentning "Uy-joy hamda bino-inshootlarni issiqlik energiyasi bilan taʼminlash sohasini tubdan isloh qilish hamda binolarning energiya samaradorligini oshirish chora-tadbirlari toʻgʻrisida"gi qaroriga asosan Qurilish va uy-joy kommunal xoʻjaligi vazirligi huzurida "Issiqlik taʼminoti" aksiyadorlik jamiyati tashkil etilgandi.
Hukumat qarori bilan Toʻrayev Ilhom Habibullayevich "Issiqlik taʼminoti" AJ boshqaruv raisi etib tayinlandi.
Tayinlovga qadar Ilhom Toʻrayev Qurilish va uy-joy kommunal xoʻjaligi vazirligi Issiqlik taʼminoti tizimini rivojlantirish va ekspluatatsiya faoliyatini muvofiqlashtirish boshqarmasi boshligʻi lavozimida faoliyat yuritgan.