Tramp Eronga "misli koʻrilmagan zarba" bilan tahdid qildi
Tehron yadro dasturi boʻyicha kelishuvni rad etmoqda.
AQSh prezidenti Donald Tramp Vashington va Tehron yadro dasturi boʻyicha kelishuvga erishmasa, Eronga zarba berishini aytdi.
"Agar ular kelishuvni amalga oshirmasalar, kuchli bombardimon sodir boʻladi", deya tahdid qilgan Tramp.
Nashrga koʻra, Donald Trampning maktubi "tahdidli" edi.
12 mart kuni Ali Xomanaiy maktubni olganidan keyin Trampning muzokaralar taklifini “aldash” deb atadi. Yakshanba kuni AP xabariga koʻra, Eron prezidenti Masud Pezeshkiyon Tehron Trampning maktubiga javoban AQSh bilan toʻgʻridan-toʻgʻri muzokaralar taklifini rad etganini aytdi.
“Ikki tomon oʻrtasida toʻgʻridan-toʻgʻri muzokaralar oʻtkazish imkoniyati rad etilgan boʻlsa-da, bilvosita muzokaralar uchun yoʻl ochiqligi taʼkidlandi”, — dedi Eron prezidenti.
Tramp 2018 yilda Amerikani yadroviy kelishuvdan chiqarganidan beri Tehronning Vashington bilan bilvosita muzokaralari muvaffaqiyatga erisha olmadi. Mutaxassislarning taʼkidlashicha, husiylarga qarshi kurash bahonasida
Eron bilan qarama-qarshilikning kuchayishi, Fors koʻrfazidan barcha neft va gazning 20 foizi jahon bozoriga etkazib beriladigan Hormuz boʻgʻoziga taʼsir etsa, yangi energiya inqirozi boshlanishi mumkin.
Oq uyga qaytgan Tramp Eronga qarshi “maksimal bosim” kampaniyasini boshladi. Uning maqsadi Isroilning asosiy dushmanini zaiflashtirish, Eronning yadroviy bomba yaratishiga yoʻl qoʻymaslik va Eronning ballistik raketalari masofasini cheklashdir.
Vashingtonning asosiy raqibi Pekin Eronga qarshi sanksiyalarni tugatishni taklif qilmoqda va bu yadroviy muzokaralardagi boshi berk koʻchadan chiqishga yordam beradi, deb hisoblamoqda.
Mart oyi oʻrtalarida Xitoyda Eron va Rossiya delegatsiyalari oʻrtasida uchrashuv boʻlib oʻtdi va bir hafta oldin Rossiya Tramp maʼmuriyatiga Eron bilan aloqa qilishda yordam berishga rozi boʻlgani haqida xabarlar paydo boʻldi.
