Futbol boʻyicha DXX kubogi boshlanmoqda

Aprel oyidan futbol boʻyicha DXX kubogi boshlanadi.

Davlat xavfsizlik xizmati, Sport vazirligi, Oʻzbekiston Respublikasi Yoshlar ishlari agentligi hamda Oʻzbekiston mahallalari uyushmasi hamkorligida, sogʻlom turmush tarzini targʻib qilish, yoshlar oʻrtasida futbolni ommalashtirish, shuningdek, ular orasidan iqtidorlarni aniqlash va qoʻllab-quvvatlash maqsadida futbol va mini-futbol boʻyicha anʼanaviy DXX kubogi oʻtkaziladi.

16 yoshdan – 30 yoshgacha boʻlgan oʻgʻil bolalar futbol va mini-futbol, qizlar esa mini-futbol boʻyicha Davlat xavfsizlik xizmati kubogida ishtirok etishlari mumkin.

1 – bosqich. Tuman/shahar saralash musobaqalari: aprel-may oylarida;

2 – bosqich. Qoraqalpogʻiston Respublikasi, Toshkent shahri va viloyatlar boʻyicha saralash musobaqalari: iyun-iyul oylarida;

3 – bosqich. Respublika final bosqichi musobaqalari: avgust oyida boʻlib oʻtadi.