Ramazon hayitida metroning ishlash tartibi eʼlon qilindi
30 mart kunida metro poyezdlari harakati odatdagidan 1 soat oldin yoʻlovchilarga xizmat koʻrsatishni boshlaydi.
Jamiyat
27-mart, 9:45
Ramazon Hayiti bayrami kuni Toshkent metrosida poyezdlar harakatlanish tartibi toʻgʻrisida maʼlumot berildi.
Aytilishicha, 30 mart kunida metro poyezdlari harakati odatdagidan 1 soat oldin, yaʼni soat 04:00 dan yoʻlovchilarga xizmat koʻrsatishni boshlaydi.
Poyezdlar harakati intervali shanba kuni uchun belgilangan jadval asosida tashkil etiladi.
Shuningdek, bayram munosabati bilan belgilangan qoʻshimcha dam olish kunida (31 mart) metro poyezdlari intervali yakshanba kuni uchun tasdiqlangan grafik asosida soat 05:00 dan harakatlanadi.
Eslatib oʻtamiz, Musulmonlar idorasi axborotiga koʻra hayit 30 martga toʻgʻri keladi.
