platina.uz

Statistika: goʻsht yetishtirish koʻpaymoqda, biroq narx oshishi toʻxtagani yoʻq

Soʻnggi besh yilda goʻsht yetishtirish 7,5 foizga oʻsgan. 

Iqtisod
25-mart, 11:50
Statistika: goʻsht yetishtirish koʻpaymoqda, biroq narx oshishi toʻxtagani yoʻq

Oʻzbekistonda goʻsht yetishtirish qiymatlari koʻpaymoqda, ammo goʻsht narxining oshishi toʻxtamayapti.

2020-2024 yillarda Oʻzbekiston Respublikasida qishloq xoʻjaligining rivojlanishi statistikasi eʼlon qilindi.

Unga koʻra, besh yil ichida goʻsht yetishtirish 7,5 foizga oʻsgan. Toshkent shahrida lahm mol goʻshti 140 ming soʻmgacha sotilmoqda. Yil boshida bu koʻrsatkich 120 ming atrofida edi.

Vazirlar Mahkamasi huzuridagi Makroiqtisodiy va hududiy tadqiqotlar instituti (MHTI) mutaxassislari qishloq xoʻjaligining soʻnggi 5 yildagi rivojlanishini tahlil qildi.

2024 yilda respublikada yalpi qishloq xoʻjaligi mahsuloti hajmi 444,6 trillion soʻmga yetdi va 5 yil ichida 18,5 foizga oʻsdi. Soʻnggi 5 yilda yalpi mahsulotning oʻrtacha yillik oʻsish surʼati 103,5 foizni tashkil etdi.

Oʻzbekistonning qishloq xoʻjaligi sohasi mintaqada yetakchi oʻrinni egallab kelmoqda: yalpi mahsulot hajmi Qozogʻiston, Tojikiston va Qirgʻizistonning koʻrsatkichlaridan yuqori boʻlib, bu uning koʻlami va strategik ahamiyatini aks ettiradi, deyiladi xabarda.

Jahon banki maʼlumotlariga koʻra, Oʻzbekistonda qishloq xoʻjaligida band boʻlgan bir kishiga toʻgʻri keladigan qoʻshilgan qiymat dunyodagi oʻrtacha darajadan 4,4 baravar yuqori.

Mamlakat aholisining faol oʻsishiga qaramay, aholi jon boshiga nisbatan qishloq xoʻjaligining asosiy turdagi oziq-ovqat mahsulotlarini ishlab chiqarish barqaror oshib bormoqda:

Don ekinlari – 238,2 kg (5 yil ichida +7,6 foiz)

Kartoshka – 100,0 kg (+8,7 foiz)

Sabzavotlar – 322,7 kg (+6,1 foiz)

Meva va rezavorlar – 88,0 kg (+7,4 foiz)

Uzum – 49,1 kg (+2,9 foiz)

Poliz ekinlari – 72,2 kg (+17,2 foiz)

Goʻsht– 79,2 kg (+7,5 foiz)

Sut – 334,8 kg (+4,9 foiz)

Tuxum – 236,9 dona (+2,4 foiz).

© 2025 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+