Qamoqqa olingan Ekrem Imomoʻgʻli Turkiya prezidentligiga nomzod boʻldi
Uning nomzodini 13,2 mln kishi qoʻllagani aytilmoqda.
Qamoqqa olingan Ekrem Imomoʻgʻli Turkiya prezidentligiga nomzod boʻldi.
Faoliyati vaqtincha toʻxtatilgan Istanbul hokimi va muxolifatchi siyosatchi Ekrem Imomoʻgʻli Respublika Xalq partiyasidan (ChP) Turkiya prezidentligiga nomzod sifatida koʻrsatildi. Bu haqda ovoz berish tashkilotchilari praymeriz yakunlanganidan keyin maʼlum qildi, deb yozadi Sozchu.
ChP praymerizlarida 15 million turk fuqarosi ishtirok etdi - bu mamlakatdagi roʻyxatga olingan barcha saylovchilarning deyarli toʻrtdan bir qismi. Ulardan 13,2 millioni yagona nomzod boʻlgan Imomoʻgʻliga ovoz bergan.
Partiya raisi Oʻzgʻur Oʻzel Erdoʻgʻonni muddatidan oldin saylovlar haqida qaror qabul qilishga va davlat rahbari lavozimi uchun Imomoʻgʻli bilan shaxsan raqobatlashishga chaqirdi.
Eslatib oʻtamiz, Imomoʻgʻli qoʻlga olingach, unga korrupsiya va terrorizmga aloqadorlik ayblovi qoʻyildi. Turkiya shaharlarida namoyishlar boʻlib oʻtmoqda.
