Tramp taʼlim vazirligini tugatishda oid farmonni imzoladi
Biroq vazirlik toʻliq yopilishi uchun tashabbusni Kongress maʼqullashi kerak.
Donald Tramp AQSh Taʼlim vazirligini tugatish jarayonini boshlagan farmonni imzoladi.
Marosim boʻlib oʻtgan Oval kabinetda Tramp uchun alohida parta bilan butun bir maktab sinfi qurilgan.
"Biz uni imkon qadar tezroq yopamiz", dedi AQSh prezidenti. "Vazirlik bizga hech qanday foyda keltirmaydi."
Tramp, aksariyat respublikachilar singari, departamentni yopishni uzoq vaqtdan beri talab qilib kelgan, biroq uning toʻliq bekor qilinishi uchun Kongress maʼqullashi kerak, buning imkoni yoʻq, deya taʼkidlaydi OAV vakillari.
Farmon taʼlim vaziri Linda MakMaxonga departamentni yopishga yordam berish uchun "barcha zarur choralarni koʻrishga" va taʼlim boʻyicha hokimiyatni shtatlarga qaytarishga yoʻnaltiradi.
Nashrning taʼkidlashicha, hujjat Taʼlim vaziri Linda Makmaxonga agentlikning yopilishiga yordam berish uchun "barcha zarur choralarni koʻrish"ni buyuradi.
WSJ xabar berishicha, departamentni yopish yoki uning funksiyalarini Kongress ruxsatisiz boshqa tashkilotlarga topshirish harakatlari Tramp maʼmuriyati uchun huquqiy muammolarni keltirib chiqarishi mumkin.
Mart oyi boshida agentlikni yopish haqidagi buyruq Tramp inauguratsiyasidan beri tayyorlanayotgani xabar qilingandi.
Biroq 6 mart kuni vazirlikni tugatish haqidagi farmon kutilganidek imzolanmadi.
