Uzum Oʻzbekiston bozorida ustun mavqega ega deb topildi
Platformaning elektron savdo maydonchalari (marketpleyslar) bozorida katta ulushga egaligi eʼtirof etilgan.
Uzum Oʻzbekiston bozorida ustun mavqega ega deb topildi. Bu haqda Raqobat qoʻmitasi xabar berdi.
Vazirlar Mahkamasining 2024 yil 1 maydagi 256 sonli qarori 2 ilovasi bilan tasdiqlangan Raqamli platforma operatorining ustun mavqeini va ustun muzokara kuchini eʼtirof etish tartibi toʻgʻrisidagi Nizomda raqamli platforma operatorining ustun mavqega ega deb eʼtirof etishning mezonlari belgilangan.
Ushbu Qarorga muvofiq, Raqobat qoʻmitasining tegishli buyrugʻi bilan elektron savdo maydonchalari (marketpleyslar) bozorida "UZUM MARKET" MChJ ustun mavqega ega raqamli platforma operatori sifatida eʼtirof etildi.