TEMU Oʻzbekistonda yuridik shaxs sifatida roʻyxatdan oʻtdi
Avval ushbu marketpleysga kirish 20 martdan cheklanishi eʼlon qilingandi.
Xitoyning TEMU marketpleysi Oʻzbekistonda yuridik shaxs sifatida roʻyxatdan oʻtdi. Bu haqda Davlat soliq qoʻmitasi xabar qildi.
Qoʻmita xabariga koʻra, marketpleys Oʻzbekiston Respublikasi rezidenti sifatida roʻyxatdan oʻtgan.
Eslatib oʻtamiz, avvalroq Istiqbolli loyihalar milliy agentligi TEMU Oʻzbekistonda roʻyxatdan oʻtmagani sababli unga kirish cheklanishi xabar qilgandi. Cheklov 2025 yil 20 martdan amal qilishi kutilayotgandi.
Aholidan ushbu marketpleysdan savdo qilmaslik, mavjud buyurtmalarni bekor qilish soʻralgandi.