Toshkentda yoʻllarni taʼmirlash uchun 12 mlrd soʻm ajratiladi
Pul Toshkent shahrini rivojlantirish jamgʻarmasi mablagʻlari hisobidan beriladi.
Toshkent shahrida ichki yoʻllarni taʼmirlash uchun 12 mlrd soʻm ajratiladi. Bu haqda hokim Shavkat Umrzoqovning 2025 yil 14 martdagi qarorida maʼlum qilindi.
Mablagʻ Toshkent shahar hokimligi huzuridagi Toshkent shahrini rivojlantirish jamgʻarmasi mablagʻlari hisobidan tumanlar Obodonlashtirish boshqarmalariga ajratiladi.
Shahar hokimi oʻrinbosari B.Rahmonov va tumanlar hokimlari mablagʻlarning sarflanishini nazorat qilib boradi.
Qaror ilovasida koʻrsatilishicha, poytaxtdagi 12 ta tumanga 1 mlrd soʻmdan ajratiladi.
Qaror ijrosini nazorat qilish Shavkat Umrzoqovning birinchi oʻrinbosari B.Haydarov zimmasiga yuklangan.