Odil Abduqahhorov "Oʻzbekkonsert"ga qaytdi
U bungacha Madaniyat vazirligining xalqaro festivallar direksiyasida rahbar edi.
Madaniyat
12-mart, 10:30
Odil Abduqahhorov "Oʻzbekkonsert" davlat muassasasi rahbari lavozimiga tayinlandi. U bu lavozimda 2017-2020 yillarda ham ishlagan edi.
Muassasa direktori boʻlib ishlagan Sanjar Erdanov ishdan olingan. Hozircha bu haqda rasmiy maʼlumot yoʻq.
Shuningdek, Abduqahhorov bu tayinlovga qadar Madaniyat vazirligi huzuridagi xalqaro festivallar direksiyasi rahbari edi. Uning oʻrniga aktyor Fotih Jalolov tayinlangan.
Rasman tasdiqlanmagan xabarlarga koʻra, Abduqahhorov direksiyada birinchi oʻrinbosar lavozimida ham ishlamoqda.
