Yevropa yetakchilari mudofaa xarajatlarini sezilarli miqdorda oshirishga kelishib oldilar
Maxsus yigʻilishda Ukraina prezidenti Vladimir Zelenskiy ham ishtirok etdi.
YeI yetakchilari Yevropa xavfsizligini taʼminlash uchun mudofaa xarajatlarini sezilarli darajada oshirishga kelishib oldilar.
Germaniyaning Deustch Welle teleradiokanali maʼlumotlariga koʻra, Yevropa ittifoqining 27 davlatidan 26 tasi (Vengriyadan tashqari) yetakchilari “Ukraina mustaqilligi, suvereniteti va hududiy yaxlitligi”ni hurmat qiluvchi tinchlik kelishuviga chaqiruvchi hujjatni imzolagan, shu bilan birga muzokaralarga Ukrainani ham qoʻshgan.
Alohida hujjatda Yevropaning barcha 27 yetakchisi mudofaa xarajatlarini oshirish uchun milliardlab yevro ajratish boʻyicha takliflarni qoʻllab-quvvatlab, Yevropa Komissiyasini “barcha aʼzo davlatlarda milliy darajada muhim mudofaa xarajatlarini kamaytirish”ning yangi usullarini izlashga chaqirdi.
Yetakchilar Yevropa Komissiyasi prezidenti Ursula fon der Lyayenning mamlakatlarga umumiy qiymati 150 milliard yevrogacha boʻlgan kreditlar berish toʻgʻrisidagi taklifini eʼtiborga olishdi va reja ularning oy oxiridagi navbatdagi yigʻilishigacha koʻrib chiqilishini aytishdi.
Maxsus yigʻilishda Ukraina prezidenti Vladimir Zelenskiy ham ishtirok etdi va Yevropa Ittifoqi yetakchilariga soʻnggi kunlarda AQSh bilan munosabatlari yomonlashgani uchun koʻrsatgan yordami uchun minnatdorchilik bildirdi.
Tadbirdan soʻng Fransiya prezidenti Emmanuel Makron jurnalistlarga Yevropa Ittifoqi Rossiyaga qarshi sanksiyalardan Ukrainaga 33 milliard dollardan ortiq yordam berilishini aytdi.