UZTELECOM MWC Barcelona-2025 Butunjahon mobil aloqa kongressida ishtirok etdi

MWC Barcelona – bu har yili yetakchi IT-kompaniyalar, global aloqa operatorlari va raqamli yechimlar ishlab chiquvchilarini birlashtiradigan mobil texnologiyalar olamidagi eng yirik va muhim tadbirlardan biridir. 2025 yilda Barselona shahrida (Ispaniya) boʻlib oʻtadigan ushbu keng koʻlamli forum ilgʻor innovatsiyalarni namoyish etish va telekommunikatsiya sohasining kelajagini muhokama qilish uchun platformaga aylandi.

UZTELECOM IT va telekommunikatsiyalar sohasidagi eng soʻnggi texnologik tendensiyalar va innovatsion yechimlarni oʻrganish va ularni yanada joriy etish maqsadida xalqaro hamkorlik chegaralarini kengaytirib, MWC Barcelona-2025 da faol ishtirok etmoqda. Bu kompaniya tomonidan taqdim etilayotgan xizmatlar sifatini yaxshilash va shu bilan mintaqadagi tendensiyalarni belgilash imkonini beradi.

UZTELECOM doim raqamli texnologiyalar va shaxsiylashtirilgan xizmatlarga alohida eʼtibor qaratib keladi. Zero, bugungi kunda telekommunikatsiya olami shiddat bilan rivojlanib, xizmatlarni foydalanuvchilarning individual ehtiyojlariga moslashtirish muvaffaqiyatning asosiy omiliga aylanmoqda. UZTELECOM abonentlarning afzalliklarini tahlil qilish va ularga moslashtirilgan tariflar, raqamli xizmatlar va innovatsion yechimlarni taklif qilish imkonini beruvchi Big Data va CVM texnologiyalarini joriy etmoqda.

Kompaniya mijozlar tajribasini optimallashtirish uchun sunʼiy intellektni rivojlantirish va joriy etishga katta eʼtibor qaratmoqda – UZTELECOM telekommunikatsiya tarmogʻini intellektual boshqarish va aloqa ishonchliligini oshirishgacha boʻlgan avtomatlashtirilgan qoʻllab-quvvatlash xizmatlarini taklif etadi.

Oʻzbekiston telekommunikatsiya sektorining yetakchisi sifatida UZTELECOM yangi avlod tarmogʻini faol rivojlantirmoqda. Bugungi kunda 5G texnologiyasi respublikaning barcha viloyat markazlarida mavjud va 2024 yilda kompaniya birinchi marta 5.5G tarmogʻini muvaffaqiyatli sinovdan oʻtkazdi, bu esa mamlakatni raqamlashtirish uchun yangi istiqbollarni ochadi.

Ushbu texnologiyalar tufayli abonentlar yuqori tezlikdagi internet, yaxshilangan aloqa sifati va yangi raqamli xizmatlar, jumladan, biznes uchun ilgʻor yechimlar, bulutli texnologiyalar, IoT (buyumlar interneti) va aqlli shaharlar tizimlariga ega boʻladilar.

Kelajak strategiyasi: xalqaro hamkorlik va innovatsiyalar

MWC Barcelona-2025 da ishtirok etish UZTELECOMga jahon tajribasini oʻrganish, yetakchi texnologiya kompaniyalari bilan hamkorlikni yoʻlga qoʻyish va eng zamonaviy ishlanmalarni milliy telekommunikatsiya infratuzilmasiga integratsiya qilish imkonini beradi.

Forum doirasida UZTELECOM va HUAWEI kompaniyalari oʻrtasida hamkorlik memorandumini imzolash marosimi boʻlib oʻtdi. Sunʼiy intellekt, yangi texnologik yechimlar va telekommunikatsiya infratuzilmasini rivojlantirish sohasidagi ilgʻor yutuqlarni yanada joriy etish boʻyicha birgalikda ishlash istiqbollari muhokama qilindi.

Kompaniya zamonaviy xizmatlar koʻlamini kengaytirib, Oʻzbekiston biznesi va aholisi uchun yangi imkoniyatlar yaratib, raqamli transformatsiya yoʻnalishida ishonch bilan harakatlanishda davom etmoqda.