Qozogʻistonda nomaʼlum shaxs aeroport xodimini garovga oldi
Mazkur hodisadan prezident Qosim-Joʻmart Toʻqayev ham boxabar qilingan.
Qozogʻistonda nomaʼlum shaxs aeroport xodimini garovga oldi.
Qozogʻistonning Olmaota shahridagi xalqaro aeroport hududida nomaʼlum shaxs aeroport xodimini garovga olib, pichoq bilan tahdid qildi.
Bu haqda mahalliy OAV xabar bermoqda.
Orda.kz nashrining ijtimoiy tarmoqlarda xabar berishicha, hodisa mahalliy vaqt bilan 11:45da ichki reyslar terminalida sodir boʻlgan. Guvohlarga koʻra, tajovuzkor erkak hujjatlarni koʻrsatishni soʻragach, aeroport vakiliga hujum qilgan.
Yetti daqiqadan soʻng, erkak politsiya boʻlimi va aviatsiya xavfsizligi xizmati xodimlari tomonidan qurolsizlantirildi.
Ayni paytda erkak qoʻlga olingan va politsiya boʻlimida.
Maʼlumotlarga koʻra, Musa Abdraim ismli shaxs garovga olingan aeroport xodimni qutqargan.
Mazkur hodisa Qozogʻiston prezidenti Qosim-Joʻmart Toʻqayevgacha yetib borgan. Prezident xodimni qutqargan shaxsni mukofotni taqdim etishni gapirgan.