Davlat xizmatchilari daromadini deklaratsiyalashga oid qonun qabul qilinadi
Prezident mutasaddilarga tez fursatda ushbu qonun loyihasini jamoatchilik muhokamasiga qoʻyib, 1 aprelgacha kiritishni topshirdi.
Prezident yigʻilishida yana bir masala – davlat xizmatchilari daromadini deklaratsiyalashga oid qonunni qabul qilish vaqti-soati kelgani taʼkidlandi. Bu borada jamoatchilik fikri juda muhimligi qayd etildi.
Mutasaddilarga tez fursatda ushbu qonun loyihasini jamoatchilik muhokamasiga qoʻyib, 1 aprelgacha kiritish topshirildi.
Noqonuniy boylik orttirish uchun javobgarlik masalasini ham oʻylab koʻrish zarurligi taʼkidlandi.
Qonunchilikka noqonuniy boylik orttirish haqida modda kiritish taklif qilindi. Yaʼni, davlat xizmatchisi deklaratsiya qilgan daromadiga mos kelmaydigan mol-mulkini qayerdan olganini isbotlashi kerak boʻladi.
Prezident Milliy kengashni, parlamentning korrupsiyaga qarshi kurashish qoʻmitalarini bu borada xalqaro andozalarga mos takliflar ishlab chiqishga chaqirdi.