Raqobat qoʻmitasi "Coca-Cola" va "Pepsi"ni jarimaga tortdi
Ular reklama va axborot joylashtirish tartibini buzishda ayblangan.
Raqobat qoʻmitasi mashhur ichimlik belgilarini jarimaga tortdi.
Qoʻmitaning Toshkent shaxar hududiy boshqarmasi tomonidan joriy yilning yanvar va fevral oylari davomida reklama toʻgʻrisidagi qonunchilik talablariga muvofiqligi yuzasidan oʻrganish va monitoring ishlari olib borilgan.
Olib borilgan oʻrganish natijalariga muvofiq, Hududiy boshqarma Maxsus komissiyasi tomonidan Toshkent shahrida faoliyat koʻrsatayotgan 30 dan ortiq xoʻjalik yurituvchi subʼektlarga iish qoʻzgʻatilgan.
Misol uchun:
“COCA-COLA ICHIMLIGI UZBEKISTON LTD” MCHJ XK,
“INTERNATIONAL BEVERAGES TASHKENT” MCHJ XK (PEPSI),
“MAK FOOD SERVIS” MCHJ,
“LUMIERI” MCHJ,
“TURAN MEDIA” MCHJ,
“OQTEPA FOOD SERVICE” MCHJ,
“BARATRUM” MCHJ (SAFIA) nisbatan “Reklama toʻgʻrisida”gi Qonun hamda Vazirlar Mahkamasining “Tashqi reklama bozorini tartibga solish toʻgʻrisida”gi 104-sonli qarori bilan tasdiqlangan Nizomda belgilangan tashqi reklama va axborotni joylashtirish tartibi buzilishi yuzasidan ishlar qoʻzgʻatilgan.
Ularga moliyaviy jarimalar qoʻllash haqida qarorlar qabul qilindi.
Shuningdek, qonunbuzilish holatini bartaraf etish va kelgusida yoʻl qoʻymaslik boʻyicha bajarilishi majburiy boʻlgan koʻrsatmalar berildi.