Oylik 8-15 mln soʻmgacha: quruvchilar “Yangi Toshkent”ga ishga taklif etilmoqda
Ishchilar yotoqxona, kiyim-kechak, transport xizmati va 3 mahal issiq ovqat bilan taʼminlanadi.
Qurilish va uy-joy kommunal xoʻjaligi vazirligi hamda Kambagʻallikni qisqartirish va bandlik vazirligi qurilishda ishlayotgan yurtdoshlarimizni 20 ming gektar yer maydonida barpo etilayotgan “Yangi Toshkent”dagi qurilish ishlariga taklif etmoqda.
Bunda 38 turdagi yoʻnalishda 10 mingga yaqin soha vakillariga talab mavjud. Oylik-maosh ish turi va soatidan kelib chiqib, oʻrtacha 8 mln soʻmdan 15 mln soʻmgachani tashkil etadi. Ishchilar yotoqxona, kiyim-kechak, transport xizmati va 3 mahal issiq ovqat bilan taʼminlanadi.
Talabgorlar Kambagʻallikni qisqartirish va bandlik vazirligining 1176 raqamiga qoʻngʻiroq qilishlari mumkin.