Sud jurnalistning ishini tergovga qaytardi
Ruxsora Gʻafurovaga nisbatan daʼvo arizasi ham qaytarib olingani aytildi.
Jamiyat
28-fevral, 20:47
"Mening yurtim" telekanali jurnalisti Ruxsora Gʻafurovaning maʼmuriy sud ishi korib chiqilmadi.
Jurnalistning Jizzaxdagi bankdagi kredit mablagʻlarini oʻzlashtirish holati boʻyicha surishtiruviga asoslangan maʼmuriy ish 27 fevralda Mirzo Ulugʻbek tuman sudida koʻrib chiqilishi kerak edi.
Ammo sudya Jahongir Saidov tomonidan sudga kelib tushgan ish hujjatlarida kamchiliklar mavjudligi sababli qayta rasmiylashtirish uchun surishtiruv organigaga qaytarib yuborildi. Shu bois sud nomaʼlum muddatga qoldirildi.
Sudda bildirilishicha, daʼvogar bankir Ruxsora Gʻofurovaga nisbatan daʼvo arizasini ham qaytarib olgan.
