Pensiya tayinlashning yangi tartibi joriy etiladi
1 martdan boshlab fuqarolarga yoshga doir pensiyalar avtomatik tarzda tayinlanadi.
Pensiya tayinlashning yangi tartibi joriy etilmoqda.
2025 yil 1 martdan boshlab fuqarolarga yoshga doir pensiyalar avtomatik tarzda (proaktiv shaklda) tayinlanadi, yaʼni pensiya yoshiga toʻlgan shaxslar uchun alohida murojaat qilish talabi bekor qilinadi.
Asosiy jihatlar:
Proaktiv tizim – pensiya tayinlash jarayonini avtomatlashtirish va soddalashtirishga qaratilgan.
Kimlarga tatbiq etiladi?
-55 yoshga toʻlgan ayollar,
-60 yoshga toʻlgan erkaklar;
Tizim qanday ishlaydi?
Adliya vazirligi fuqaroning shaxsiy maʼlumotlarini Pensiya jamgʻarmasiga yuboradi;
- Ichki ishlar vazirligi fuqaroning yashash manzilini tasdiqlaydi;
- Pensiya jamgʻarmasi pensiya hujjatlarini rasmiylashtirib, fuqaroga SMS-xabar yuboradi;
- Fuqaro 10 kun ichida rad etish yoki keyinroq pensiyaga chiqish uchun ariza berishi mumkin.
Bu yangi tartib pensiya olish jarayonini tezlashtirish va ortiqcha byurokratik toʻsiqlarni kamaytirishga xizmat qiladi.
