Ramazon oyi 1 martdan boshlanadi
Bu haqda Oʻzbekiston musulmonlari idorasining axborotida maʼlum qilingan.
Oʻzbekistonda muqaddas Ramazon oyi 1 mart sanasidan boshlanadi. Bu haqda Prezident qarorida maʼlum qilingan.
"2025 yilda muborak Ramazon oyining boshlanishi 1 mart kuniga toʻgʻri kelishi haqidagi Oʻzbekiston musulmonlari idorasining axboroti maʼlumot uchun qabul qilinsin", deyiladi qarorda.
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Din ishlari boʻyicha qoʻmita, Ijtimoiy himoya milliy agentligi, Oʻzbekiston mahallalari uyushmasi, Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi va boshqa hamkor tashkilotlar bilan birgalikda hududlarda Ramazon oyini milliy anʼana va qadriyatlarga mos tarzda oʻtkazishga doir chora-tadbirlarni amalga oshirishni taʼminlaydi.
Ushbu fazilatli oyda “Ramazon – saxovat, birdamlik va bagʻrikenglik oyi” gʻoyasi asosida tadbirlar oʻtkaziladi.