Mashhur Hollivud aktyori va uning rafiqasi oʻlik holda topildi

Hollivud yulduzi, aktyor Jin Xekman va uning rafiqasi Betsi Arakava Santa-Fedagi uyida oʻlik holda topildi.

1991 yildan beri turmush qurib kelgan er-xotin jasadi iti bilan birga topilgan.

Mahalliy OAVning xabar berishicha, hodisada hech qanday jinoyat alomatlari koʻzga tashlanmagan.

Santa-Fe okrugi sherifi Adan Mendoza oʻlim sababini oshkor qilmadi va mahalliy ommaviy axborot vositalari soʻroviga koʻra marhumlar qachon vafot etgan boʻlishi mumkinligini aytmadi.

Eslatib oʻtamiz, Jin Xekman “Davlat dushmani”, “Dushman ortida”, “Misisippi olov ichida”, "Supermen" va boshqa filmlarda rol ijro etgan. Ikki karra "Oskar" mukofoti sohibi.