Shoir Bahodir Iso vafot etdi
U Oʻzbekistonda xizmat koʻrsatgan yoshlar murabbiysi unvoni bilan taqdirlangan.
Madaniyat
25-fevral, 9:28
Oʻzbekistonda xizmat koʻrsatgan yoshlar murabbiysi, uyushma aʼzosi, shoir Bahodir Iso vafot etdi.
Bu haqda Oʻzbekiston Yozuvchilar uyushmasi xabar berdi.
Janoza namozi 25 fevral soat 11:00 da Rishton tumanidagi Dutir qishlogʻida oʻqiladi.
Bahodir Iso 1956 yilda Fargʻona viloyati, Rishton tumanida tugʻilgan. Fargʻona pedagogika institutini 1977 yilda tugalladi. Biroq, faoliyatini asosan adabiyotga, sanʼatga bogʻladi.
Uning sheʼrlari, dostonlari respublikaning barcha matbuot nashrlarida, kollektiv toʻplamlarda chop etilgan. 1988 yilda nashr etilgan "Xayrli tun" sheʼriy toʻplami bilan muxlislarga yaxshi tanishdir.
