Behzod Hamrayev Statistika agentligi direktori etib tayinlandi
U shu paytgacha Markaziy bank raisining oʻrinbosari lavozimida ishlayotgandi.
Prezident farmoni bilan Behzod Saylixonovich Hamrayev Statistika agentligi direktori lavozimiga tayinlandi.
Shu munosabat bilan u Oʻzbekiston Respublikasi Markaziy banki raisining oʻrinbosari lavozimidan ozod etildi.
Behzod Hamrayev 1983 yil Buxoro viloyatida tugʻilgan. 2006 yili Toshkent Davlat iqtisodiyot universiteti magistraturasini, 2016 yili Yaponiyaning siyosiy fanlar milliy institutini tamomlagan.
Ekonometrika va statistika magistri darajasiga ega.
Mehnat faoliyatini Iqtisodiyot vazirligida boshlagan.
Yanvar oyida Statistika agentligining avvalgi rahbari Bahodir Begalov ishdan olingandi.