Oʻzbekistonda bir yilda 2,9 mln tonna goʻsht yetishtirildi
Hududlar kesimida Qashqadaryo viloyati yetakchilik qilmoqda: 345,9 ming tonna.
2024 yilda Oʻzbekistonda 2,9 mln tonna goʻsht (tirik vaznda) yetishtirilgan.
Statistika agentligining dastlabki maʼlumotlariga koʻra, 2024 yilda qishloq, oʻrmon va baliqchilik xoʻjaligi mahsulot (xizmat) larining umumiy hajmi 467 trln soʻmni tashkil etgan.
Bu koʻrsatkich 2023 yilning mos davri bilan solishtirilganda 3,1 foizga koʻp.
2024 yilda barcha toifadagi xoʻjaliklar tomonidan yetishtirilgan mahsulotlar hajmi:
— goʻsht (tirik vaznda) – 2,9 mln tonna
— sut – 12,4 mln tonna
— tuxum – 8,8 mlrd dona
— sabzavotlar – 12 mln tonna.
Hududlar kesimida yetishtirilgan goʻsht hajmi boʻyicha yetakchi viloyatlar:
— Qashqadaryo viloyati – 345,9 ming tonna;
— Samarqand viloyati – 326,9 ming tonna;
— Buxoro viloyati – 312,7 ming tonna;
— Toshkent viloyati – 312,3 ming tonna.
