AQSh va Rossiya Saudiyada muzokaralar oʻtkazdi: asosiy maʼlumotlar
Ikki davlat Ukraina uchun uch bosqichli tinchlik rejasini taklif qilishdi, deb xabar bermoqda Fox News muxbiri Jeki Geynrix.
Ar-Riyodda Rossiya va AQSh delegatsiyalari muzokaralari boʻlib oʻtdi.
Uchrashuvda qatnashgan Rossiya prezidenti yordamchisi Ushakovga koʻra, Vladimir Putin va Donald Tramp uchrashuvining aniq sanasini aytish qiyin. Bu haqda TASS yozmoqda.
Uchrashuv kelasi hafta boʻlib oʻtishi dargumon, qizgʻin ish kerak, deb Ushakov soʻzlaridan iqtibos keltirmoqda RBK.
U, shuningdek, Rossiya va AQSh delegatsiyalari "barcha masalalar boʻyicha juda jiddiy suhbatlashgani"ni aytdi. Uning soʻzlariga koʻra, haligacha Moskva va Vashington pozitsiyalari yaqinlashishi haqida gapirish qiyin, dedi Ushakov.
Ar-Riyoddagi muzokaralar toʻrt yarim soat davom etdi.
"Yomon emas", deb javob berdi Rossiya prezidenti yordamchisi muzokaralar qanday oʻtgani haqidagi savolga. "Biz koʻtarmoqchi boʻlgan barcha masalalar boʻyicha juda jiddiy suhbat boʻldi".
Rossiya va AQSh Ukraina uchun uch bosqichli tinchlik rejasini taklif qilishdi, deb xabar berdi Fox News muxbiri Jeki Geynrix.
Birinchi bosqich - oʻt ochishni toʻxtatish;
Ikkinchi - Ukrainada saylovlar oʻtkazilmoqda;
Uchinchisi - yakuniy shartnomani imzolash.
Telekanal oʻz manbalariga tayanib, AQSh va Rossiya "Ukrainada yangi saylovlar oʻtkazish"ni muvafaqqiyatli kelishuvning asosiy sharti deb bilishini taʼkidladi.
Ukraina prezidenti Vladimir Zelenskiy Turkiya yetakchisi Rajab Erdoʻgʻon bilan uchrashuvdan soʻng, bugun Saudiya Arabistonida boʻlib oʻtgan Moskva va Vashington muzokaralariga izoh berdi.
Ukraina prezidenti yana bir bor urushni tugatish toʻgʻrisidagi qarorni Ukrainasiz qabul qilib boʻlmaydi, muzokaralarning oʻzi esa Kiyevning "orqasida oʻtmasligi kerak" degan pozitsiyasini yana bir bor taʼkidladi.
"Ukrainadagi urushni qanday tugatish boʻyicha Ukrainasiz hech qanday yechim boʻlishi mumkin emas. Biz bu uchrashuvga, Saudiya Arabistonidagi Rossiya-Amerika uchrashuviga taklif qilinmadik. Bu koʻpchilik uchun boʻlgani kabi biz uchun ham kutilmagan voqea boʻldi. Biz bu maʼlumotni ommaviy axborot vositalaridan oldik", dedi Zelenskiy.
