Oʻzbekiston va Kuvayt oʻrtasida oʻnga yaqin hujjatlar imzolandi
Ular orasida sanoat, havo qatnovi va mehnat sohasidagi bitimlar bor.
Al-Kuvayt shahrida boʻlib oʻtgan muzokaralar yakunida Oʻzbekiston Respublikasi Prezidenti Shavkat Mirziyoyev va Kuvayt Davlati Amiri Shayx Mishʼal as-Saboh Oʻzbekiston-Kuvayt keng qamrovli sheriklik munosabatlarini rivojlantirish toʻgʻrisida qoʻshma bayonot qabul qildilar.
Shuningdek, quyidagi hujjatlar imzolandi:
- Sanoat sohasidagi hamkorlik toʻgʻrisida bitim;
- Havo qatnovi toʻgʻrisidagi bitimga bayonnoma;
- Mehnat sohasidagi hamkorlik toʻgʻrisida bitim;
- "Aqlli" shaharlarni barpo etish sohasidagi hamkorlik toʻgʻrisida bitim;
- Sanʼat va madaniyat sohasidagi hamkorlik toʻgʻrisida bitim;
- Sogʻliqni saqlash sohasidagi hamkorlik toʻgʻrisida bitim;
- Turizm sohasida 2025-2027 yillarga moʻljallangan chora-tadbirlar dasturi;
- Kuvayt arab iqtisodiy taraqqiyot jamgʻarmasi bilan hamkorlik toʻgʻrisida bitim.