Shavkat Mirziyoyev Nargiza Xolbayevani "Doʻstlik" ordeni bilan mukofotladi
U Sirdaryo viloyati maktabgacha va maktab taʼlimi boshqarmasiga rahbarlik qilmoqda.
Sirdaryo viloyati maktabgacha va maktab taʼlimi boshqarmasi boshligʻi Xolbayeva Nargiza Ibadullayevna "Doʻstlik" ordeni bilan mukofotlandi. Bu haqda prezident farmoni eʼlon qilindi.
U "mamlakatimiz taʼlim tizimidagi samarali mehnati, yurtimizda sportni keng ommalashtirish va rivojlantirish, aholi, xususan yoshlar oʻrtasida sogʻlom turmush tarzini targʻib qilishdagi hissasi uchun" mukofotlangan.
Avvalroq Nargiza Xolbayevaning oʻquvchilarning sport bilan qamrovini oshirish boʻyicha tajribasi prezident tomonidan yuqori baholangandi.