Netanyahuni qamash tashabbusi bilan chiqqan prokuror AQSh sanksiyasiga uchradi
Uning AQShdagi aktivlari muzlatib qoʻyildi va mamlakatga kirishini taqiqlandi.
AQSh moliya vazirligi Xalqaro jinoiy sud bosh prokurori Karim Xonga nisbatan sanksiyalar joriy qildi.
AQSh Moliya vazirligi prezident Donald Trampning buyrugʻiga binoan, Buyuk Britaniya fuqarosi, Xalqaro jinoiy sud bosh prokurori Karim Xonni sanksiyalar roʻyxatiga kiritdi.
Vazirlikning Xorijiy aktivlarni nazorat qilish boshqarmasi 13 fevral kuni Xonga qarshi sanksiyalar joriy etganini eʼlon qildi - uning AQShdagi aktivlarini muzlatib qoʻydi va mamlakatga kirishini taqiqladi.
Donald Tramp 6 fevral kuni Xonga va potensial ravishda XJSning boshqa xodimlariga qarshi sanksiyalar joriy etish toʻgʻrisida farmon chiqardi.
Trampning bunday qilishiga XJS oʻtgan yili Isroil bosh vaziri Binyamin Netanyaxu va Isroil mudofaa vaziri Joab Gallantni hibsga olishga order bergani edi.
AQSh ham, Isroil ham Rim statusini imzolamagan, uning yurisdiksiyasini tan olmaydi.
2023 yilning mart oyida xalqaro sud Xonning tashabbusi bilan Rossiya prezidenti Vladimir Putin va Rossiya bolalar huquqlari boʻyicha komissari Mariya Lvova-Belovani ukrainalik bolalarni noqonuniy ravishda deportatsiya qilishda ayblab, hibsga olish uchun order bergandi.
