Komil Allamjonovga suiqasdda ayblanganlarga hukm oʻqildi
Shuhrat Rasulov, Shohruh Axmedov va Ismoil Jahongirov 23 yilga, Doniyor Toshxoʻjayev esa 7 yilga qamaldi.
Bugun Oʻzbekiston Respublikasi Harbiy sudida fuqaro K. Allamjonovga uyushtirilgan suiqasdga oid jinoyat ishi doirasida 10 nafar shaxsga nisbatan sud jarayoni yakunlanib, sud hukmi eʼlon qilindi. Bu haqda Oliy sud xabar berdi.
Eʼlon qilingan sud hukmiga muvofiq Shuhrat Rasulovga 23 yil, Javlon Yunusovga 18 yil 6 oy, Shohruh Axmedovga 23 yil, Ismoil Jahongirovga 23 yil va Doniyor Toshxoʻjayevga 7 yil ozodlikdan mahrum qilish jazosi tayinlandi.
Qolgan 5 nafar sudlanuvchiga qilmishiga muvofiq ravishda turli muddatlarga ozodlikdan mahrum qilish jazolari tayinlandi.
Eslatib oʻtamiz, 2024 yil kuzida Toshkentda Komil Allamjonovga suiqasd uyushtirilgani xabar berilgandi. Shuningdek, ushbu ish yuzasidan ikki rossiyalik qidiruvga berilgandi.
