Otabek Sobitov Yoshlar parlamenti raisi etib saylandi
Tayinlovga qadar u Yoshlar parlamenti raisi oʻrinbosari - OʻzLiDeP yoshlar guruhi rahbari sifatida faoliyat yuritgan.
Oliy Majlis Qonunchilik palatasi huzuridagi Yoshlar parlamentiga yangi rais saylandi.
Yoshlar parlamentining navbatdan tashqari yigʻilishi boʻlib oʻtdi.
Unda Qonunchilik palatasi huzuridagi Yoshlar parlamenti raisligiga Otabek Sobitov nomzodi koʻrib chiqildi va koʻpchilik ovozi bilan saylandi.
Tayinlovga qadar u Yoshlar parlamenti raisi oʻrinbosari - OʻzLiDeP yoshlar guruhi raxbari sifatida faoliyat yuritayotgan edi.
2020 yilda prezident tashabbusi bilan tashkil etilib, bugungi kunda esa Yoshlar parlamenti yoshlarning siyosiy-huquqiy bilim va koʻnikmalarini yuksaltirish, ularni qonun ijodkorligi jarayoniga keng jalb etish, qonunlarni yoshlar orasida targʻib qilish orqali ularning jamiyat hayotiga daxldorligini kuchaytirish, yosh avlodning siyosiy faolligini oshirishga xizmat qiladigan muhim institut sifatida shakllandi.