AQSh yaqin orada Ukraina boʻyicha tinchlik rejasini taqdim etadi
Bu reja "kuch orqali tinchlik" tamoyilini nazarda tutishi mumkin.
Bloomberg xabariga koʻra, AQSh kelasi hafta Ukraina boʻyicha tinchlik rejasini eʼlon qiladi.
Tramp maʼmuriyati kelasi hafta Myunxen xavfsizlik konferensiyasida Rossiyaning Ukraina bilan urushini tugatish boʻyicha uzoq kutilgan rejani taqdim etishi mumkin.
Agentlik oʻz manbalariga tayanib yozganidek, bu reja "kuch orqali tinchlik" tamoyilini nazarda tutishi mumkin.
"Imkon boʻlgan nuqtalar orasida mojaroni potensial muzlatib qoʻyish va Rossiya tomonidan bosib olingan hududni noaniq holatda qoldirish, shuningdek, Ukrainaga Moskva yana hujum qila olmasligi uchun xavfsizlik kafolatlarini berish kiradi", deyiladi maqolada.
Myunxen konferensiyasi 14-16 fevral kunlari boʻlib oʻtadi.
Ukraina prezidenti Vladimir Zelenskiy Rossiya yetakchisi Putin ilan ehtimoliy muzokaralarni inkor etmagan.