Oʻzbekistonda oltin quymalari narxi rekord darajaga koʻtarildi
Banklarda hozir oltin quymasining 1 grami 1 214 000 soʻmdan yuqoriroq narxda sotilmoqda.
4 fevral holatiga koʻra, Oʻzbekistonda 5 grammlik oltin quymalari ilk bor 6 mln soʻmdan yuqori narxda sotilmoqda. Bir gramm oltin quymasi uchun narx esa 1 214 300 soʻmni tashkil etmoqda.
Avvalroq, jahon bozorida oltin narxi savdo urushlari boshlanishi xavfi ortidan 2 800 dollardan oshgandi.
Markaziy bank tomonidan eʼlon qilingan toʻliq narxlar:
- 5 gr – 6 071 000 soʻm;
- 10 gr – 12 143 000 soʻm;
- 20 gr – 24 286 000 soʻm;
- 50 gr – 60 715 000 soʻm;
- 100 gr – 121 430 000 soʻm.
Markaziy bank 2024-yil 17-yanvardan, aholini investitsion salohiyatini oshirish uchun 100 grammlik oltin quymalarini sotuvga chiqargan edi.
Oʻzbekistonda oltin quymalarini sotib olish tartibi bilan bu yerda tanishib chiqish mumkin.