Yanvarda isteʼmol tovarlari narxi oshdi
Isteʼmol sektoridagi narxlarning yillik oʻsish darajasi 9,9 % ni tashkil etgan.
Yanvar oyida isteʼmol sektoridagi tovarlar va xizmatlar narxlari oʻrtacha 0,7 % ga oshgan. Bu haqda Statistika agentligi xabar berdi.
Maʼlumotlarga koʻra, yanvarda isteʼmol sektoridagi narxlarning yillik (2024 yil yanvar oyiga nisbatan) oʻsish darajasi 9,9 % ni tashkil etgan.
2025 yilning yanvar oyida isteʼmol narxlari indeksi tarkibida oziq-ovqat mahsulotlari narxlari oʻrtacha 0,8 % ga, nooziq-ovqat tovarlari 0,3 % ga va aholiga pullik xizmatlar koʻrsatish narxlari oʻrtacha 1,1 % ga oshgani kuzatilgan.
Mazkur hisob-kitoblarni amalga oshirish uchun 10 mingdan ortiq savdo nuqtalari va xizmat koʻrsatish obʼektlarida 120 mingdan ziyod narxlar qayd etilgan.
420 turdagi oziq-ovqat va nooziq-ovqat mahsulotlari va 90 turdagi xizmatlar narxlari kuzatildi.