Qirgʻiziston va Oʻzbekiston oʻzaro mahkumlar almashadi
Ayni damda qoʻshni davlatda 97 nafar oʻzbekistonlik jazo oʻtayotgani maʼlum qilingan.
Qirgʻiziston va Oʻzbekiston jazo muddatini oʻtayotgan fuqarolarni bir-birlariga topshiradi.
Qonun loyihasi Qirgʻiziston Jogorku Keneshi tomonidan uchinchi oʻqishda qabul qilindi.
Qirgʻiziston Bosh prokuror oʻrinbosari Umutkan Qoʻnkuboyeva deputatlarga Oʻzbekistonda Qirgʻizistonning 42 nafar fuqarosi, Qirgʻizistonda esa 97 nafar oʻzbekistonlik jazo oʻtayotgani haqida maʼlumot berdi.
Bu fuqarolarning barchasi oʻz vatanlarida jazoni oʻtashda davom etadi.
Mamlakatlar oʻrtasida mahkumlarni almashish boʻyicha kelishuv 2024 yilning 18 iyulida Toshkent shahrida iimzolangan.