Toshkentda 10 ta sport maydonchasi quriladi
Ularni moliyalashtirish, sport uskunalarini oʻrnatish va jihozlash ishlari Sport vazirligi tomonidan amalga oshiriladi.
Toshkent shahri tumanlarida 10 ta zamonaviy sport maydonchalari quriladi. Bu haqda hokim Shavkat Umrzoqov qarorida maʼlum qilingan.
Stritbol-vorkaut maydonchalari Sport vazirligi tavsiya etgan loyihalar asosida quriladi. Ularni moliyalashtirish, sport uskunalarini oʻrnatish va jihozlash ishlari ham Sport vazirligi tomonidan amalga oshiriladi.
Maydonchalar Mirzo Ulugʻbek tumanida 256-maktabda, Mirobod tumanida 65-maktabda, Bektemir tumanida Majnuntol MFY hududida, Yakkasaroy tumanida 48-sonli maktabda quriladi.
Bundan tashqari maydonchalar Uchtepa tumanidagi Tinchlikobod MFY hududida, Olmazor tumanida 134-sonli maktabda, Yunusobod tumanida 1-son sport maktabida barpo etiladi.
Mazkur qaror ijrosi nazorati hokim oʻrinbosari D.Rahimova zimmasiga yuklangan.