Xitoydagi bozorda portlash yuz berdi
Hozircha uch kishi oʻlgani maʼlum, oʻttizdan oshiq kishi jarohatlangan.
Xitoyning Lyaonin provinsiyasidagi Shenyan shahridagi bozorda portlash roʻy berdi. Oqibatda kamida uch kishi halok boʻldi.
Fojia Shenyan Dadong oziq-ovqat bozori markazida yuz berdi. Portlovchi qurilma olomon ichida harakatga kelgan.
Oqibatda uch kishi halok boʻlgan, 30 dan ortiq kishi jarohatlangan.
Mahalliy hukumat favqulodda vaziyatning turli versiyalarini, jumladan, skuter akkumulyatorining portlashi va gaz portlashini koʻrib chiqmoqda. Bir qator ommaviy axborot vositalari hodisani terakt sifatida baholamoqda.