Shavkat Mirziyoyev "Amirsoy"da Sadir Japarov bilan norasmiy uchrashuv oʻtkazdi
Uchrashuvda ikki mamlakatda kurort-rekreatsiya markazlarini tashkil etishga qaratilgan qoʻshma loyihalarni ilgari surishga kelishib olindi.
25 yanvar kuni Qirgʻiz Respublikasi Prezidenti Sadir Japarov tashrif bilan Oʻzbekistonda boʻldi.
Davlat rahbari Shavkat Mirziyoyev Toshkent viloyatidagi "Amirsoy" kurort majmuasida Qirgʻiziston Prezidenti bilan norasmiy uchrashuv oʻtkazdi.
Yetakchilar ikki tomonlama munosabatlarning dolzarb masalalari, shuningdek, xalqaro siyosat va mintaqaviy hamkorlik yuzasidan fikr almashdilar.
Qirgʻiziston Prezidenti togʻ-changʻi majmuasida yaratilgan sharoitlar va uning jahonning yuksak standartlariga mos zamonaviy infratuzilmasini yuqori baholadi.
Oʻzbekiston va Qirgʻizistonda mamlakatlarimizning noyob geolandshafti va xilma-xil tabiatini hisobga olgan holda kurort-rekreatsiya markazlarini tashkil etishga qaratilgan qoʻshma loyihalarni ilgari surishga kelishib olindi.