Sobiq boshlovchi Pentagon rahbari lavozimiga tasdiqlandi
Bu tayinlov prezident Donald Trampning yirik gʻalabasi sifatida eʼtirof etilmoqda.
AQSh Senati sobiq teleboshlovchi Pit Xegsetni Pentagon rahbari lavozimiga tasdiqladi.
Xegset qisqa muddatda AQSh mudofaa vaziri boʻlish uchun yetarlicha ovoz toʻpladi, bu demokratlar va hattoki ayrim respublikachilarning bahsli nomzodga keskin qarshiliklaridan soʻng Prezident Donald Trampning yirik gʻalabasi boʻldi, deya xabar beradi Reuters.
Fox News telekanalining sobiq boshlovchisi va armiya faxriysi Pentagonda katta oʻzgarishlar qilishga vaʼda bermoqda, biroq uning rahbariyati qattiq nazorat ostida boʻladi, deydi agentlik.
Ostindagi Texas universitetining tarix professori Jeremi Suri: “Bizda ilgari Xegsetdek mudofaa vaziri boʻlmagan edi", deya izoh berdi.
Pentagon rahbari lavozimi tarixan yirik tashkilotlarni boshqarishda katta tajribaga ega va ikki partiyaning keng qoʻllab-quvvatloviga ega boʻlgan nomzodlarga oʻtgan. Bu safar nomzod tasdiqlanishi uchun qoʻshimcha ovozlar kerak edi. Uch nafar respublikachi,jumladan senator Mitch Makkonnel ham qarshi ovoz berdi.
Uning soʻzlariga koʻra, Xegset Pentagon kabi yirik va murakkab tashkilotni samarali boshqara olishini koʻrsata olmagan".
Pentagonning byudjeti 1 trillion dollarni tashkil etadi. Xegset avval bir qancha zoʻravonliklarda ayblangan.
Xegset bu ayblovlarni qatʼiyan rad etib keladi.