Zokir Ishpulatov Suv xoʻjaligi vaziri oʻrinbosari etib tayinlandi
Tayinlovga qadar u Vazirlar Mahkamasining Investitsiya, eksport, savdo, qishloq va suv xoʻjaligi masalalari kotibiyati bosh mutaxassisi lavozimida faoliyat yuritgan.
Suv xoʻjaligi vaziriga oʻrinbosar tayinlandi.
Prezidentning tegishli qaroriga muvofiq Zokir Eshqurbonovich Ishpulatov Oʻzbekiston Respublikasi Suv xoʻjaligi vazirining oʻrinbosari – Suv xoʻjaligi obʼektlarini ekspluatatsiya qilish agentligi direktori lavozimiga tayinlandi.
Tayinlovga qadar u Vazirlar Mahkamasining Investitsiya, eksport, savdo, qishloq va suv xoʻjaligi masalalari kotibiyati bosh mutaxassisi lavozimida faoliyat yuritgan.
Vazirlar Mahkamasining 2024 yil 7 oktabrdagi 645-sonli qaroriga asosan vazir oʻrinbosari – Suv xoʻjaligi obʼektlarini ekspluatatsiya qilish agentligi direktori zimmasiga vazirlik tizimidagi quyi tashkilotlar faoliyatini muvofiqlashtirish, tasdiqlangan suv olish limitlari, grafiklari va taqsimoti asosida suv yetkazib berilishini hamda suv resurslaridan samarali foydalanishni taʼminlash, nasos stansiyalari ish rejimini tartibga solish hamda elektr energiyasi isteʼmolini kamaytirish choralarini koʻrish, shuningdek, tumanlar “Suv yetkazib berish xizmati” davlat muassasalari xizmat koʻrsatadigan hududda suv resurslarini boshqarish va hisobga olishda uslubiy va amaliy yordam koʻrsatish kabi vazifalarni amalga oshirish yuklatilgan.