Abduqodir Husanov rasman "Manchester Siti" oʻyinchisi sifatida tanishtirildi
U Angliya chempionatida toʻp suradigan birinchi oʻzbekistonlikka aylanadi.
Sport
20-yanvar, 23:34
Oʻzbekiston terma jamoasi himoyachisi Abduqodir Husanov rasman Angliyaning "Manchester Siti" klubi oʻyinchisiga aylandi.
Kelishuv 2029 yilgacha amal qiladi.
Avvalroq Manchester klubi 20 yoshli futbolchi uchun "Lans" ga 40 mln yevro toʻlashi xabar qilingandi. Bu qiymat bonuslar hisobiga yana ortishi mumkin.
Abduqodir Husanov Angliya Premer-ligasida oʻynaydigan birinchi oʻzbek futbolchisiga aylandi.
Shuningdek, Abduqodir oʻzbek oʻyinchilari orasida eng qimmat transfer boʻldi. Shu paytgacha Eldor Shomurodov eng qimmat oʻzbek futbolchisi boʻlib kelayotgandi.
