"Oʻzavtosanoat" raisiga yangi oʻrinbosarlar tayinlandi
Transformatsiya va moliya masalalari boʻyicha birinchi oʻrinbosar ishdan olindi.
"Oʻzavtosanoat" raisiga yangi oʻrinbosarlar tayinlangani xabar berildi.
Jumladan, Rahmonov Bahodirjon Solijonovich "Oʻzavtosanoat" AJ boshqaruvi raisining mahalliylashtirish, kooperatsiya aloqalarini sanoatda kengaytirish va axborot texnologiyalari masalalari boʻyicha birinchi oʻrinbosari lavozimiga tayinlandi.
Avval bu lavozimda ishlagan Abduvaqqos Rafiqov Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi raisi lavozimiga tayinlangandi.
"Oʻzavtosanoat" boshqaruvi raisining transformatsiya va moliya masalalari boʻyicha birinchi oʻrinbosari Shukurov Azizbek Kobilovich lavozimidan ozod etildi.
Muxamedov Diyor Raufovich boshqaruv raisining transformatsiya va moliya masalalari boʻyicha oʻrinbosari lavozimiga tayinlandi.