AQShga yuborish uchun 40 ming dollar olgan shaxs ushlandi
U yuqori lavozimda ishlovchi tanishlari orqali viza olib berib, ish bilan taʼminlashni vaʼda qilgan.
Jamiyat
16-yanvar, 12:45
Amerika Qoʻshma Shtatlariga ishga yuborishni vaʼda qilgan shaxs ushlandi.
Bosh prokuratura huzuridagi Departamentning Chilonzor tumani boʻlimi va DXX xodimlari hamkorligida tezkor tadbir oʻtkazilgan.
Unda fuqaro N.M. fuqaro B.G.ning ishonchiga kirib, unga goʻyoki yuqori lavozimda ishlovchi tanishlari orqali Amerika Qoʻshma Shtatlariga borishi uchun viza olib berib, u yerda ish bilan taʼminlashi evaziga 40 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.
