UzAuto Motors 8 oyda qariyb 9 trln soʻm foyda koʻrdi
Koʻrilgan foydadan 264 mlrd soʻmi aksiyadorlar oʻrtasida taqsimlanishi belgilangan.
UzAuto Motors 2024 yil 8 oyida 8,8 trln soʻm foyda koʻrdi. Bu haqda Istiqbolli loyihalar milliy agentligi portalida eʼlon qilingan hujjatda aytiladi.
Unga koʻra, koʻrilgan foydadan 264 mlrd soʻmi AJ aksiyadorlariga taqsimlanishi belgilangan.
Qolgan 8,57 trln soʻm jamiyatning taqsimlanmagan foydasiga yoʻnaltiriladi. Bir dona joylashtirilgan aksiya uchun dividend miqdori 975 soʻm miqdorida etib belgilangan. Hisoblangan dividendlar 2025 yil 10 yanvardan 2025 yil 11 martga qadar pul koʻrinishida toʻlanadi.
Eslatib oʻtamiz, avvalroq Odiljon Bastamkulov UzAuto Motors'ning vaqtinchalik rahbari etib tayinlangandi.