Nigʻmatilla Yoʻldoshev sport kurashlari assotsiatsiyasiga rahbar etib saylandi
Milliy Olimpiya qoʻmitasida assotsiatsiyasining navbatdan tashqari hisobot-saylov konferensiyasi boʻlib oʻtgan.
Oʻzbekiston sport kurashlari assotsiatsiyasiga yangi rahbar saylandi.
Milliy Olimpiya qoʻmitasida Oʻzbekiston sport kurashlari assotsiatsiyasining navbatdan tashqari hisobot-saylov konferensiyasi boʻlib oʻtdi.
Assotsiatsiyaga yangi rahbar saylash kun tartibidan oʻrin olgan mazkur tadbirda Sport vaziri Adham Ikramov, Bosh prokurorining birinchi oʻrinbosari Bahriddin Valiyev, Otabek Umarov boshchiligidagi Milliy Olimpiya qoʻmitasi rahbariyati, shuningdek, Oʻzbekiston sport kurashlari assotsiatsiyasi rayosat aʼzolari, terma jamoa murabbiylar shtabi ishtirok etdi.
Assotsiatsiya Ijroiya qoʻmitasi tashkilot raisligiga Oʻzbekiston Bosh prokurori, mamlakat kurash federatsiyasi rahbari Yoʻldoshev Nigʻmatilla Toʻlqinovich nomzodini ilgari surdi.
Yigʻilish ishtirokchilari bir ovozdan Nigʻmatilla Toʻlqinovich nomzodini maʼqullashdi.
Yakunda Nigʻmatilla Yoʻldoshev mamlakat sport kurashlari assotsiatsiyasi raisi etib saylandi.