Xitoyning tashqi savdodagi foydasi rekord natija qayd etdi
Eksport hajmi 2023 yilga nisbatan 5,9 foizga tez oʻsib, 3,6 trillion dollarni tashkil etgan.
Xitoyning 2024 yil uchun savdo balansidagi ijobiy saldosi 992 milliard dollarni tashkil etdi. Bu haqda mamlakat bojxona boshqarmasi hisobotida maʼlum qilingan.
Bu Xitoy iqtisodiyoti uchun rekorddir. Tashqi savdo aylanmasining bunday salmoqli ijobiy saldosiga erishilishi eksport hajmining 2023 yilga nisbatan 5,9 foizga tez oʻsib, 3,6 trillion dollarga yetgani bilan izohlanadi.
Bu birinchi navbatda, Xitoy rasmiylari va bizneslarining AQShga saylangan prezident Donald Tramp yangi import bojlarini joriy etish haqidagi vaʼdalarini bajarguniga qadar imkon qadar koʻproq mahsulot sotish istagi bilan bogʻliq.
Shunday qilib, dekabr oyida AQShga Xitoy tovarlari eksportining oʻsishi 16 foizga yetdi. 2024 yil oxiriga kelib Xitoy AQShga 525 milliard dollarlik mahsulot eksport qildi, bu oʻtgan yilga nisbatan 4,9 foizga koʻpdir.
Rhodium Group prognozlariga koʻra, savdo balansi yil davomida mamlakat YaIM oʻsishining taxminan beshdan bir qismini tashkil qiladi. The Wall Street Journal taʼkidlaganidek, agar COVID-19 pandemiyasi davrida koʻrsatkichlarni hisobga olmasa, bu Xitoy uchun 2006 yildan beri noyob holat.
Ammo agar oʻsha paytda bu Xitoyning JSTga aʼzo boʻlganidan keyin tashqi savdoning oʻsishi bilan izohlangan boʻlsa, endi bu koʻchmas mulk sektoridagi inqirozdan aziyat chekayotgan Xitoy iqtisodiyotining zaifligi va isteʼmol talabining pastligi bilan izohlanadi.
