Abduqodir Husanov "Manchester Siti"ga oʻtadigan boʻldi
Ingliz jamoasining fransuz klubi bilan muzokaralari shu oy oxirida yakunlanadi.
Fransiyaning "Lens" jamoasida oʻynayotgan oʻzbekistonlik Abduqodir Husanov Angliyaning "Manchester Siti" jamoasiga oʻtadigan boʻldi.
Bu haqda italiyalik mashhur sport jurnalisti Fabritsio Romano maʼlum qildi. Husanov boʻyicha muzokaralar shu oy oxirigacha davom etadi.
Angliya chempionatida oʻynaydigan ilk oʻzbek futbolchisi boʻlishi kutilayotgan Husanovning yakuniy transfer bahosi hozircha maʼlum qilinmagan.
Avvalroq unga "Nyukasl", "Real Madrid" kabi jamoalar ham qiziqqan edi. Uning narxi 30 mln yevrogacha koʻtarilgandi.