Oʻzbekistonning eng kam ish haqi boʻyicha reytingi eʼlon qilindi
Mamlakatda eng kam ish haqining yillik miqdori 1041 dollarni tashkil etadi.
Oʻzbekiston eng kam ish haqiga ega 154 ta mamlakat orasida 111-oʻrinni egalladi. Bu haqda World Population Review maʼlumotida aytiladi.
Unga koʻra, Oʻzbekistonda eng kam ish haqining yillik miqdori 1041 dollarni tashkil etadi. Bu miqdor soatiga 0.50 dollarni tashkil etadi.
Mamlakat roʻyxatda Liviya va Gaiti oraligʻida joylashgan.
Roʻyxat boshidan Avstraliya joy olgan. Ushbu davlatda eng kam ish haqining yillik miqdori 34 515dollarni tashkil etadi.
Bu soatiga 17,4 dollarga toʻgʻri keladi. Keyingi oʻrinlardan Yangi Zelandiya, Lyuksemburg va Germaniya joy olgan.
Eng kam ish haqida past davlatlar: Sudan, Liberiya, Gabon. Markaziy Osiyoda Qirgʻiziston eng past koʻrsatkichga ega: soatida 0,08 dollar.