Armaniston hukumati Yevropa Ittifoqiga qoʻshilish boʻyicha loyihani maʼqulladi
Mamlakat hozirda MDH va KXShT aʼzosi (muzlatilgan) sanaladi.
Armaniston hukumati mamlakatning Yevropa Ittifoqiga qoʻshilishi tashabbusi toʻgʻrisidagi qonun loyihasini maʼqulladi.
Bu haqda mamlakat hukumati 9 yanvar, payshanba kuni boʻlib oʻtgan yigʻilishda qaror qabul qildi.
Qonun loyihasi endi mamlakat parlamentiga yuboriladi.
Qonun loyihasini taqdim etar ekan, Armaniston tashqi ishlar vaziri Ararat Mirzoyan “Soʻnggi yillarda Armaniston va Yevropa Ittifoqi oʻrtasida ancha jadal va dinamik aloqalar rivojlandi”, deya izoh berdi.
Armaniston hozirda MDH va KXShT aʼzosi (muzlatilgan) sanaladi.
Eslatib oʻtamiz, 2023 yil Qorabogʻ voqealaridan keyin Armaniston va Rossiya munosabatlari sovuqlashdi.